Lehen singel honekin, Bea Asurmendik bere bizitza nabarmen markatu zuen emakumeen talde batean izandako esperientzia eraldatzailean inspiratuta dagoen bidaia musikal batean murgiltzen gaitu. Beak etapa aberasgarri horren esentzia isladatzen duen musika pieza bat sortu du. Ahotsa, perkusioa eta inprobisazioa maisuki uztartzen dira kontrabaxuaren eta baxu elektrikoaren doinu hipnotikoek lagunduta, soinu esperientzia hunkigarri bat sortuz. Beak, letra zein melodia enigmatiko eta liluratzaileak aurkezten dizkigu, bere ahotsa perkusio instrumentu gisa erabiliz eta uduarekin eta pandero karratuarekin elkarrizketa txundigarri bat sortuz. Lehen notetatik, "OTSEMEAK" abestiak entzulea hunkitu eta emozio sakonak esnatzen dituen akelarre mistiko batera eramatea lortzen du.